Akituhumiwa kumbaka dada yake

Kamanda wa Polisi Mkoa wa Mjini Magharibi, Hassan Nassir Ali

JESHI la Polisi linamshikilia kijana wa miaka 28 aliedaiwa kumuingilia ndugu yake wa mama mmoja mwenye umri wa miaka 23 wakati akiwa anakoga chooni.

Akithibitisha kutokea kwa tukio hilo, Kamanda wa Polisi Mkoa wa Mjini Magharibi, Hassan Nassir Ali, alisema tukio hilo lilitokea Juni 26 mwaka huu saa 5.00 asubuhi Migombani mjini Unguja.

Alisema kijana huyo (jina limehifadhiwa) wakati mama yao akiwa ametoka yeye na ndugu zake wengine kuelekea sokoni, ndipo ndugu aliebakia nae nyumbani aliamua kwenda chooni kukoga na wakati akiwa anaendelea kukoga, mtuhumiwa aliingia chooni na kumkamata kwa nguvu na kasha kumuingilia.

Alisema baada ya mama yao kurejea, muathirika alimuhadthia mama yake ndipo walipoamua kwenda kituo cha polisi Madema kutoa taarifa na mtuhumiwa akatiwa nguvuni.

Kamanda Nassir, alisema kitendo kilichofanywa na kijana huyo ni cha kinyama na kwamba atafikishwa mahakamani baada ya ushahidi kukamilika.

Aliwaomba wazazi na walezi kuwa na usimamizi mzuri katika familia zao hasa kwa watoto ili kuwaepusha na matatizo yasiyokuwa ya lazima.

“Jambo la msingi wazazi kuwa karibu na watoto wao ili kuepusha vitendo na madhara ya udhalilishaji wa kijinsia,” alisema.

Chanzo: Zanzibar Leo

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s