Maalim Seif atetewa Zanzibar

Aliyekuwa mi cha mgombea wa kiti cha Urais wa Zanzibar na ambaye pia ni Katibu Mkuu wa CUF, Maalim Seif Sharif Hamad

Aliyekuwa mgombea wa kiti cha Urais wa Zanzibar na ambaye pia ni Katibu Mkuu wa CUF, Maalim Seif Sharif Hamad

Chama cha Wanasheria Zanzibar (ZLS), kimesema Mkurugenzi wa Mashitaka Zanzibar (DPP), Ibrahim Mzee Ibrahim, aachwe afanyekazi yake bila ya kuingiliwa na wanasiasa kuhusu kukamatwa na kufunguliwa mashitaka Makamu wa Kwanza wa Rais wa Zanzibar, Maalim Seif Sharif Hamad.

Kauli hiyo ilitolewa na Rais wa chama hicho Omar Said Shaban baada ya Chama cha Mapinduzi (CCM) kulalamika kimeshangazwa na kitendo cha Maalim Seif kuendelea kubaki mitaani tangu kujitangazia mshindi wa urais wa Zanzibar wakati ni kinyume na sheria ambayo inakataza na kaunishwa wazi hatua zinazopaswa kuchuliwa.

Akizungumza na Nipashe mjini Zanzibar jana, Omar alisema kuwa, kazi ya kufungua mashitaka na kutetea kesi mahakamni ni jukumu la Mkurugenzi wa Mashitaka kwa mujibu wa Katiba ya Zanzibar ya mwaka 1984.

Alisema kama Maalim Seif kupitia CUF alifanya kosa la jinai kujitangaza mshindi kabla ya Tume ya Uchaguzi  (ZEC) kufanya hivyo, DPP ndiyo anaweza kusema kama kuna kesi ya kujibu au hakuna na sio wanasiasa.

“Mkurugenziwa mashitaka aachiwe afanye kazi yake bila ya kuingiliwa na wanasiasa, kama kuna kesi ya kujibu au la ushahidi na vielelezo vitasema,”alisema Omar.

Hata hivyo alisema kuwa suala la Maalim Seif kukamatwa na kufunguliwa mashitaka limekua na utata mkubwa kutokana na Naibu Mkurugenzi wa Upelelezi na Makosa ya Jinai (DDCI), Salum Msangi, kueleza jalada la uchunguzi kuhusiana na sula hilo limekamilika na kukabidhiwa DPP, wakati CUF kinadai Maalim Seif hajawahi kukamatwa na kuhojiwa na polisi tangu kujitangaza mshindi Oktoba 26, mwaka jana kabla ya kufutwa kwa matokeo ya uchaguzi huo.

Omar alisema kwa mujibu wa taratibu za uchunguzi, haiwezekani kufungua jalada la uchunguzi kabla ya kumuhoji mtuhumiwa na kumchukua maelezo kama kielelezo cha ushahidi wa mashitaka dhidi yake.

Chanzo: Nipashe

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s