Jeshi la Polisi lawatahadharisha wananchi kutofanya fujo

Kamishna wa polisi Zanzibar, Hamdan Omar Makame

Kamishna wa polisi Zanzibar, Hamdan Omar Makame

Kufuatia tamko la Mwenyekiti wa Tume ya Uchaguzi Zanzibar kufuta matokeo yote ya Uchaguzi wa Rais, Zanzibar, Wawakilishi na Madiwani, kumejitokeza kauli za uchochezi zenye kuashiria uvunjifu wa amani sambamba na matishio ya miripuko inayoendelea kujitokeza.

MKUTANO WA WAANDISHI WA HABARI ZANZIBAR KUHUSU KUWATAHADHARISHA WANANCHI KUTOJIHUSISHA NA VITENDO VYA VURUGU NA UVUNJIFU WA AMANI

Mnamo siku ya tarehe 25  Oktoba  2015 Wananchi wa Zanzibar  walishiriki katika zoezi la kupiga kura kuchagua Rais wa Jamhuri ya Muungano wa Tanzania, Rais wa Zanzibar Wabunge Wawakilishi na Madiwani.

Kufuatia tamko la Mwenyekiti wa Tume ya Uchaguzi Zanzibar kufuta matokeo yote ya Uchaguzi wa Rais, Zanzibar, Wawakilishi na Madiwani, kumejitokeza kauli za uchochezi zenye kuashiria uvunjifu wa amani sambamba na matishio ya miripuko inayoendelea kujitokeza.

Halikadhalika kauli ya Katibu Mkuu wa CUF, Maalim Seif Sharif Hamadi ya kuisindikiza Tume ya Uchaguzi Zanzibar imtangaze kuwa  mshind pamoja na kauli za wafuasi wa chama hicho za kuhamasika ni nyimbo mbaya isiyohitaji kuchuchiwa mtoto, kwa lugha nyepesi si vyema jambo hilo kufumbiwa macho na vyombo vya ulinzi na usalama likiwemo Jeshi la Polisi kwa lengo la kudumisha amani tuliyo nayo.

Aidha Jeshi la Polisi linapenda kuwatahadharisha wananchi kutojihusisha kufanya fujo kwa madai yoyote yanayotolewa na baaadhi ya wanasiasa kwamba kuanzia tarehe 02 Novemba 2015 kutakuwa hakuna Serikali, na pengine  watu watakuwa huru kufanya watakavyo.

Kifungu cha 28(1) Katiba ya  Zanzibar ya mwaka 1984 :Kimeeleza kwamba ‘Kufuatana na Katiba hii mtu ataendelea kuwa Rais mpaka :

 (a) Rais anayefuata ale kiapo cha kuwa Rais, au

(b)Afariki wakati akiwa Rais, au

(c) hapo atakapojiuzulu ; au

(d) iwapo amechaguliwa kuwa Rais wa Jamhuri ya Muungano wa Tanzania ; au

(e) kwa sababu yoyote nyengine ameacha kuwa Kiongozi kwa mujibu wa vifungu vyengine vya katiba hii.

Ikumbukwe kuwa kutokuwepo Rais wa Nchi kama inavyodaiwa haimaanishi  sheria hazipo na watu wafanye watakavyo. Kuna makosa ukiyafanya moja kwa moja sheria itachukua mkondo wake ikiwemo

  • Kufanya kitendo cha uvunjifu wa amani
  • Kufanya maandamano ama mikusanyiko ya watu isiyo halali

 Sheria ya Mwenendo wa Makosa ya Jinai Zanzibar

Kifungu 55(1)Kinaeleza kwamba  ‘Pindi watu watatu au zaidi wakikusanyika kwa lengo la kufanya kosa na kusababisha kutia hofu watu wengine na kupelekea uvunjifu wa amani utahesabika mkusanyiko huo sio halali’

Kifungu 74(1)  ‘b’Kinaeleza kwamba « katika mkusanyiko wa watu ukatumia vitisho au matusi au ukatumia maneno ya kushawishi watu kufanya uvunjifu wa amani utakuwa umefanya

  kosa la uchochezi »

 Tunawaomba wananchi kuacha ushabiki na jazba ili kuwaondoshea gharama  za matatizo wao wenyewe na familia zao. Waswahili wanasema ‘Vyako ni vyako likikupata ni la kwako’ na ‘Kila Mchumia janga hula na mwanawe’’.Ni vyema kipindi hiki kuhubiri amani pamoja na kuwa na subira kuiachia Tume ya Uchaguzi Zanzibar ambayo ndiyo yenye dhamana na mamlaka ya kutangaza  tarehe ya kurejewa kwa Uchaguzi huo na si mtu mwengineyo kama  inavyodaiwa.

 « Ahsanteni sana kwa kunisikiliza »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s