Bunge laenda mrama

Askari wa Bunge wakimtoa nje mbunge wa Nyamagana Ezekia Wenje, baada ya kumsimamisha kushiriki vikao vya Bunge vilivyobaki, kutokana na kutoheshimu mamlaka ya Spika.

Askari wa Bunge wakimtoa nje mbunge wa Nyamagana Ezekia Wenje, baada ya kumsimamisha kushiriki vikao vya Bunge vilivyobaki, kutokana na kutoheshimu mamlaka ya Spika.

Dar/Dodoma. Bunge la 10 la Jamhuri ya Muungano ambalo uhai wake unaisha Julai 9, linaonekana dhahiri kwenda mrama baada ya wabunge 23 kumlazimisha Spika kuwatimua kikaoni wakipinga kuwasilishwa kwa miswada mitatu kwa hati ya dharura.

Kwa siku tatu mfululizo, Spika Anne Makinda amekuwa akipata shida kuendesha chombo hicho cha kutunga sheria kutokana na mbinu waliyogundua wapinzani ya kupiga kelele kukwamisha shughuli za Bunge.

Juzi, kiongozi huyo wa Bunge aliamua kuwapeleka wabunge 11 mbele ya Kamati ya Maadili kwa makosa ya kudharau kiti chake na chombo hicho kikaibuka na adhabu ya kuwafungia wabunge wanne kutohudhuria vikao vyote vilivyosalia, wengine wawili kufungiwa vikao viwili.

Jana, hali iliendelea kuwa ya mapambano baada ya wabunge hao kuhoji uhalali wa adhabu hiyo, huku wakihoji sababu ya miswada hiyo kuwasilishwa kwa dharura.

Ezekia Wenje, mbunge wa Nyamagana, aliendelea kubishana na Spika na kusababisha atangaze kumzuia kushiriki vikao vitano, uamuzi uliosababisha wabunge wengine wa upinzani kusimama na kupiga kelele wakitaka nao waadhibiwe.

Spika Makinda alisema kuwa ametumia kanuni ya 74(i) kuwatimua wabunge hao kwa kushindwa kuheshimu kiti kwa kupiga kelele.

Wakati wabunge waliopewa adhabu wakiongezeka, wenzao ambao hawakuwapo sasa wamehamasishwa kwenda mjini Dodoma kuendelea na walichokiita mapambano, hali inayoweza kusababisha Bunge hilo likavunjwa likiwa limepukutika wabunge wa upinzani.

Sakata lilivyoanza

Kabla ya kikao kuanza jana asubuhi, Wenje aliomba mwongozo wa Spika na baada ya kupewa nafasi, alipinga adhabu waliyopewa wabunge saba juzi akisema wameonewa na kuhoji sababu za mbunge wa Mbozi, David Silinde kuzuiwa kuingia wakati hakutajwa kwenye taarifa ya Kamati ya Maadili iliyopendekeza adhabu hizo juzi.

Hata hivyo, Spika Makinda alimjibu kuwa hilo lilitokana na makosa ya uchapaji, lakini Silinde alimtaja na ni miongoni mwa waliokuwa wakifanya vurugu juzi na aliitwa kuhojiwa kwenye maadili.

Wenje aliendelea kupinga huku akibishana na Spika, ndipo zogo likaibuka upya na Spika akaagiza atolewe nje ya Ukumbi wa Bunge na asihudhurie vikao vitano kuanzia jana.

Baada kufukuzwa Wenje, wabunge wa upinzani na walisimama wote huku wakipiga kelele.

Chanzo: Mwananchi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s