Mitawi apandishwa kizimbani

Mkurugenzi Mkuu wa Shirika la Utandazaji Zanzibar Hassan Mitawi, akifunguwa Kongamano la Uhuru wa Vyombo vya Habari, katika ukumbi wa Ecrotanal, na kutowa nasaha zake, kwa Waandishi kutumia kalamu zao uzuri bila ya kukiuka uhuru w mtu mwengine. Amewaasa kuandika habari za uchunguzi na kuzifanyia uchunguzi wa kina, amesema mwandishi ni mtu muhimu katika kuelimisha watu kutoka na habari yake anayotowa bila ya kukiuka uhuru wa mtu na maadili yake ya uandishi.
Mkurugenzi Mkuu wa Shirika la Utandazaji Zanzibar Hassan Mitawi, akifunguwa Kongamano la Uhuru wa Vyombo vya Habari, katika ukumbi wa Ecrotanal, na kutowa nasaha zake, kwa Waandishi kutumia kalamu zao uzuri bila ya kukiuka uhuru wa mtu mwengine na kufuata maadili.

MKURUGENZI Mkuu wa Shirika la Utangazaji Zanzibar (ZBC) Hassan Abdalla Mitawi amefikishwa mahakamani kwa makosa kadhaa ikiwemo kosa la matumizi mabaya ya ofisi na ukwepaji kodi. 

Mkurugenzi huyo alipanda kizimbani majira ya saa 5 asubuhi jana katika mahakama ya mkoa Vuga, mbele ya Hakimu Ali Ameir.

Akisoma mashitaka mbele ya hakimu huyo, Muendesha mashtaka Abdalla Issa Mgongo, alisema mshitakiwa huyo amefikishwa mbele ya mahakama hiyo akiwa na mashitaka mawili.

Alisema kosa la kwanza linalomkabili ni kukwepa kodi kinyume na vifungu 44 kifungu kidogo cha (1)(e) na kifungu kidogo cha (2) pamoja na kifungu cha 61 vya sheria ya Kuzuia Rushwa na Uhujumu Uchumi Zanzibar.

Katika kosa hilo la kwanza mshtakiwa Hassan Abdalla Mitawi na Mamy James Matata kwa nyakati tofauti mwaka 2014 katika jengo la Shirika la Habari na Utangazaji (ZBC ) Televisheni kwa makusudi walifanya bishara ya kuuza magari bila ya kujiandikisha kuwa walipa kodi na kulipa kodi hizo kwa mamlaka husika.

Aidha Mgongo alisema kosa la pili la matumizi mabaya ya ofisi kinyume na vifungu vya 53 na 61 vya sheria namba moja ya mwaka 2012 ya Kuzuia Rushwa na Uhujumu Uchumi Zanzibar.

Katika kosa la pili muendesha mashitaka huyo alisema kwamba mshtakiwa kwa nyakati tofauti mwaka 2014 huko jengo la ZBZ Televisheni akiwa Mkurugenzi Mkuu wa Shirika la ZBC alitumia nafasi yake kwa kufanya biashara ya kuuza magari katika eneo la ofisi kwa lengo la kujipatia maslahi binafsi.

Kwa upande wake Hakimu Ali Ameir alimtaka mshitakiwa huyo kutojibu lolote mahakamani hapo kwa sababu ni kesi inayosikilizwa na Mahakama Kuu, hivyo ataenda kujibu shitaka hilo mbele ya Jaji wa Mahakama Kuu.

Hata hivyo, mshitakiwa amepewa dhamana ya maandishi ya shilingi milioni moja pamoja na wadhamini wawili kwa kima hicho hicho kwa kila mmoja.          

Chanzo: Mwananchi

Advertisements

One Reply to “Mitawi apandishwa kizimbani”

  1. Tumezoea kusikia masharti ya dhamana yakijumuisha barua ya sheha na wadhamini wafanyakazi serikalini. Mbona Jaji hakutaka hayo hapa? Majaji kuweni waadilifu!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s